日本MTV台主辦嘅年度頒獎禮「MTV VIDEO MUSIC AWARDS JAPAN」（VMAJ）今日在新木場STUDIO COAST舉行，日劇《逃跑雖可恥但有用》男主角星野源憑該劇主題曲《戀》獲得「最佳舞蹈編排獎」，其新歌《Family Song》則奪「最佳男歌手錄影帶獎」，新一代樂壇天后西野加奈以《啪》一曲贏得「最佳女歌手錄影帶獎」。

桃色幸運草Z嘅《BLAST！》獲頒「最佳組合錄影帶獎」，宇多田光跟KOHH合作嘅《忘卻》則成「最佳合作錄影帶獎」得主，而「最佳新人錄影帶獎」就由THE RAMPAGE嘅《Lightning》奪得。至於為表揚人氣女子組合欅坂46嘅過去一年成績，主將平手友梨奈剪超短髮型率隊友到場接受「Best buzz Award」殊榮。

至於音樂人大沢伸一以MONDO GROSSO名義偕人氣女星滿島光合作嘅《迷宮》，早前曾到香港鰂魚涌、佐敦、深水埗各地為MV進行拍攝，二人就獲頒「最佳舞蹈錄影帶獎」，並一同現身頒獎禮。《迷宮》以迷失於半夜迷宮為主題，營造一鏡過嘅拍攝手法，滿島光起舞穿梭港九街頭，配合電子曲風，拍出日本人眼中嘅香港特色。