講到生日願望,阿Ken希望明年4月7號紅館演唱會可以叫好叫座,而今次演唱會係由張耀榮同林建名主辦,阿Ken話家已開始籌備,初步決定開四面台,仲揀咗六十幾首歌。就快達成紅館夢,阿Ken話:「好多嘢想做,其中一樣係完場時親吻全場觀眾,我會開始做運動,睇吓到時有冇6、7嚿腹肌除吓衫,講吓笑啫。」
會唔會搵番復出演唱會搞手盧敏儀幫忙?因為當日傳佢哋不歡而散,阿Ken話:「叫咗張生同佢哋講,佢哋話唔得閒唔嚟,自從上次廣州演唱會之後都冇聯絡過。」至於歌酬,阿Ken話同主辦一講幾多錢,主辦就答應,不過阿Ken聲稱歌酬其次,今次係佢還番畀歌迷嘅演唱會。