韓國當紅組合東方神起今年4月喺東京巨蛋開騷時，成員U-Know喺尾聲時就喊爆預告自己會入伍，當時佢所屬嘅SM事務所就話暫時仍未知入伍日期，而今日韓國方面就話U-Know會喺下月6號入伍，不過SM就否認咗呢個日期，隔咗冇耐，又有指U-Know會喺下月21號入伍。

今次SM就冇否認，仲確認咗呢個消息，SM方面話：「U-Know會進行五周嘅基礎訓練先，會尊重佢意願，希望能安靜入伍，所以唔會公開佢入伍嘅具體地點同時間。」而U-Know現時正拍緊SBS新劇《指定你》，由於U-Know下月入伍，之後東方神起嘅活動會暫停，另一成員Max就會展開個人發展。

東方神起將於本周六及日喺首爾奧林匹克體操競技場舉行演唱會，呢次亦都會喺U-Know入伍前最後一次舞台表演。