《蝙蝠俠－夜神起義》（TheDarkKnightRises）男星基斯頓比爾（ChristianBale），向來以形象多變嘅演技見稱。

年前佢拔髮兼減磅演出《擊情手足》（TheFighter），就奪過奧斯卡最佳男配角獎後，年前又試過喺《騙海豪情》（AmericanHustle）增重45磅，扮演地中海凸腩阿叔，呢次佢又有新挑戰，就係演已故蘋果教主喬布斯（SteveJobs）。

其實美國男星艾斯頓古查（AshtonKutcher），喺去年嘅喬布斯傳記片《Jobs》都扮過喬布斯，反應認真麻麻，今次呢齣喬布斯新傳記片，則會由金像導演丹尼波爾（DannyBoyle）執導，而為呢齣戲撰寫劇本嘅金像編劇AaronSorkin，仲爆料話基斯頓完全唔識試鏡就贏到呢個角色：「我們最需要嘅係能演出任何年齡階段嘅演員，嗰個人就係基斯頓，佢並無參與過試鏡，但我哋有開會。」唔知基斯頓到時會唔會再減肥，去扮演患癌嘅喬布斯呢？