【冇時間換衫】Mani指阿Sa腮腺炎令下巴腫 低調拍拖旅行
蔡卓妍霍汶希邵氏影城造星II
《造星II》今晚在邵氏影城舉行總決賽,邀請到的嘉賓評審有啲令人驚喜,包括英皇高層霍汶希(Mani)、歌手謝安琪。Mani今午有到紅磡送別黎小田,晚上6時多離開出發到邵氏影城,可能時間太趕,無暇換衫,以同一身裝扮做評判。
Mani今日提到最近她旗下歌手吳浩康(Deep)與崔碧珈分手一事,Mani指男仔最好少說話:「沉默是金,最緊要係風度,我同阿Deep講『你係一個有才華嘅人,跳得又唱得,不如放多啲心機喺事業先。無論你拍拖又好、成家立室又好,事業都好重要。』」問到會否叫他戒色,Mani說:「好難,其實呢啲係正常嘅戀愛,拍拖唔等於好色,阿Deep拍拖都好投入,近年佢都改變咗好多,又做運動又踩單車,我感受到佢嘅誠意,公司都會支持佢,繼續力捧佢,總之我叫佢少說話。」
Mani又繼續否認蔡卓妍(阿Sa)懷孕,並指她是因為腮腺炎致下巴腫起,又否認阿Sa結婚:「其實嗰次只係去一個正常嘅旅行,係朋友結婚,係參與朋友嘅婚禮,大家唔好畀壓力佢,越有壓力對佢兩個嘅感情都會有影響,阿Sa同佢男友一向都係低調,如果想佢有個好歸宿,大家都低調處理啦。」
採訪:黃曉妍
攝影:林賓尼
-----------------------------
《2019高級珠寶鑑賞誌》
點擊即睇過百款鑽飾名錶 -----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇