滿載富豪集體回憶的粉嶺香港高爾夫球會小食亭，被評為二級歷史建築。古物諮詢委員會委員劉秀成指出，小食亭的頂部附多個五彩瓷器公仔，顏色繽紛，屬買少見少的清代建築。每朝前往練波的前練馬師簡炳墀卻不以為然，「打波打到一半，就響嗰度飲杯嘢，我唔曉欣賞，冇咩特別吖。」
小食亭位於高爾夫球場中心，四面都是青草地，佔地面積只有200多平方呎。簡炳墀說，亭內只能容納四張枱及數張石櫈，「我細路仔嘅時候，個亭已經喺度；係幾靚嘅，有啲綠瓦同四條柱咁。不過論歷史價值，個會所全世界知名，都應該係歷史建築啦，個亭就唔似喇。」

九龍水塘水壩列一級

市民欲進內一睹小亭真貌並不容易，該會入會費20萬元，但現已滿額，會籍價錢已炒至700萬元。
古物古蹟辦事處的歷史建築名單中，也有鮮為人知的清靜地，包括位於沙田的道風山基督教叢林。古物諮詢委員會委員林雲峰解釋，該二級歷史建築全港碩果僅存，是比利時建築師三十年代建成的仿中國式建築，由瓦片、屋脊及白色粉牆建成，「好有歷史意義，係外國傳教士為咗尊重中國傳統文化而起，唔講畀你聽係教堂，仲以為係小天壇。」
此外，位於沙田的九龍水塘水壩更被列為一級歷史建築，該水塘1910年建成，水壩呈弧形，設計獨特，是新界首個水塘。
本報記者