CY女梁齊昕早前忽然被爆做電影《男極探射燈》女主角，不過，齊昕一直未有回應，最後女角由零人氣女星楊子瑤「執二攤」，出席新片宣傳活動，被問覺得自己有咩方面比齊昕優勝，楊子瑤即講：「我正常啲啩！」(新聞連結： http://bit.ly/1SgP3UO )齊昕日前喺facebook留言反擊：「Whatis歪星楊乜what瑤？」齊昕擺明揶揄楊子瑤是「奀星」。

今日《男極探射燈》所屬嘅三寶影視文化公司向傳媒發出公開信，認為女主角被齊昕高高在上嘅態度侮辱，又指只希望畀新人機會，而新人楊子瑤就話佢唔係「楊乜what瑤」，更攞番齊昕之前疑毛遂自薦做Model一事，寸對方曾經都係「奀星」，仲反問齊昕點解要取笑佢。

三寶影視文化公司聲名全文，如下：

本人劉俊輝從事電影工作數十年，作為電影「男極探射燈」導演，只希望做好自己本份，拍出好電影，構思這電影時，從無想過最終會搞得滿城風雨，簽了約違約都算了，現在換角重拍，女主角又被前女主角以高高在上的態度侮辱，當然，前後期女主角名氣無法相比，但作為導演，我只希望給新人機會，任何譏諷侮辱語句，不論出自什麼人口中，只是顯得個人修養有問題而已。

現三寶影視文化公司，代表電影「男極探射燈」女主角楊子瑤發出致傳媒公開信，信件內容如下：

「歪星？定奀星呢？其實我叫做楊子瑤，並非梁小姐你口中的(楊乜what瑤），我當然不及你名氣大，梁小姐或許認為跟你相比人人都要坐歪，名氣不及你就是奀星，我是影圈新人，你要形容我為奀星亦毋（無）妨，任何新人在演藝圈起步也是由奀星開始，我不介意。曾經有新聞踢爆你毛遂自薦做Model，你自稱隱瞞特殊背景應徵玩玩，在Model公司眼中，當不知道你是誰時，不是也同樣視你為奀星嗎？結果那間Model公司最後沒有取錄你呢。其實你應該感同身受，但今天你反而不同情不鼓勵奀星，而是取笑。

接拍劉導演這電影，早已預計會承受壓力和比較！自己必定會用心做好，也會接受觀眾將來對我的演出之意見和批評，如做得不好，也歡迎梁小姐善意指教。梁小姐帶給香港人如此多歡樂，成為了一位新晉諧星，可能我應該也要向你學習。