新手媽媽利嘉兒今日同蔣怡、何基佑等喺油麻地出席產後護理中心開幕禮，利嘉兒生咗囡囡一個半月，見佢身形都回復得好快，佢話：「數字驚人，兩個星期瘦咗三十磅，之前係水腫，生之前雙腳腫到行唔到，仲『棚棚』聲重咗30幾磅，生完第一日就冇咗15磅，返屋企好快就減咗30磅，依家差幾磅就回復做女時候，係一個樽頸位，之後要做運動輔助。」

湊女方面，利嘉怡暫有陪月姨姨，不過佢話：「就快係惡夢開始，姨姨放假我已經由天堂跌落地獄感覺，仲會遭受家暴，BB嘅指甲都好利，有時佢一喊周圍狂抓，抓到我面、頸都損。」另一方面好開心就係同老公合作幫BB沖涼，不過暫時只得一次成功，要再努力學習，現時生活超級唔夠瞓。利嘉兒話老公雖然都好合作有幫手，但玩多啲，不過見到父女深情對望時，覺得辛苦都係開心。

精選娛聞，喺晒《娛果》
http://fb.com/appledailyent