新民黨主席葉劉淑儀公開指摘領展近日透過筆名「利世民」的專欄作家李兆富對她出言恐嚇，領展下午回應稱對葉劉指控感到震驚，更反指葉劉對領展「了解並不全面」。葉劉下午再度回應事件，重申事件是經由該黨政策總裁袁彌昌轉達，「袁彌昌話畀我知嘅時候，佢係幾慌張嘅！我就唔驚，袁彌昌就驚。袁彌昌話：『阿太，小心呀，領展話再唔收手就郁你嘅區議員』。」她指為求穩陣，她將自己其後詳細詢問袁的內容錄音，但袁並不知情。

葉劉稱，她一直有就領展的問題在報章撰文，相信領展公關因而委託他人同樣在報章撰文回應，「跟著李兆富就同袁彌昌講嗰啲嘢囉。」她指至今領展都無派人與她談論過房託政策，當初曾向證監會行政總裁Ashley Alder反映，「佢認為我嘅關注合理，但無能為力，佢建議我搵王國龍（領展行政總裁）。」不過她約見王國龍足足一個月，對方都未有理會，唯有繼續在報章上表達看法。

她表示，直至今日披露事件後，李兆富曾向她發短訊，解釋是「一場誤會」，「佢話想同我傾房託政策，但袁彌昌冇咁同我講。」但葉劉認為根本輪不到李兆富與她談房託政策，「要傾房託政策，應由領展同我傾。我做咩要同個專欄作家傾呢？」她稱曾想過報警，因為任何人感覺自己被恐嚇都可以報警：「我唔係特別驚，我係嬲，比較慌張嗰個係袁彌昌。」

對於領展最新回應反指她對領展了解不全面，更稱要與她加強溝通，葉劉反指之前一直要求約見王國龍都不果，認為領展的做法不負責任，「每次我約見佢，佢都有個公關打嚟問我，要（我）見佢公關，點解佢（王國龍）唔早啲見我？每個星期打電話去約佢都約唔到。」