曾經，監管者與被監管者之間，可以福至心靈有偈傾，拍住上為拓展市場投石問路，甚至退休後繼續吹水打波。不過2008金融風暴後，環球市場生態改寫，有偈傾的日子亦漸行漸遠。

資深交易室銀行家袁鯤濤（Anthony）回憶，「以前（同監管）溝通係幾頻密，只要不違反（公平合規）大原則問題上，好多時都有偈傾，甚至我哋會叫金管局幫手做啲嘢改善市場環境……佢哋亦會好receptive（接受）。」

1991年香港外滙同業聯會首次訪京，也是金管局前總裁任志剛穿針引線，他當年以會長身份率團赴京，任生作為顧問跟隊，並介紹人行副行長陳元讓外滙界認識。

「我自己同佢都幾熟，相識多年，佢作為總裁同市場人仕係幾接近，幾鍾意同市場人仕交往。」當年江湖傳聞，金管局曾向袁招手，欲延攬入局當任生副手。

對於這段美談，Anthony間接默認曾有獵頭公司接觸過，「有諗過嘅，但係諗下囉……我覺得唔適合，可能因為我由始至終都係自由市場（參與者）。」

十年前一場世紀海嘯，全球監管尺度從此沒有最高只有更高，鐘擺效應至今仲未盪回正常。他指「呢個係世界趨勢，有偈傾變咗好多嘢係無得傾。」監管機構整體上，亦未必像以往跟市場接觸得多。

訪問在Anthony於柴灣工廈私人辦公室內進行，一個單位分出3個獨立單元，兩位鄰居分別是2009年底退休的金管局前副總裁蔡耀君，及資深銀行家－富邦香港行政總裁兼董事總經理李永鴻。

三人老友鬼鬼，夾份買了個單位做吹水站，閒來打波或玩band，賓架與監管者能如此so friend，信焉？

記者：劉美儀

investMAN
For People of Style & Substance
掌握理財智慧 感受生活品味
http://facebook.com/investMAN.hk