當年今日
關於我們

【短片】【蘋果重心】識揀一定揀呢隻!

蘋果日報 2014/06/14 06:00

魚躍鳥飛蘋果重心【蘋果重心】識揀一定揀呢隻!

季尾高潮當然係冠軍練馬師之爭啦,剛剛禮拜三晚賽事,蔡約翰同方嘉柏2比2打成平手,家陣方仔仲係落後畀蔡神仙三W,有冇得追呢?相信大家都好有興趣知道。
睇番今次呢兩大馬房形勢,方仔出七隻,蔡神仙出六件,大家陣容差唔多,不過蔡神仙第十場有隻「魚躍鳥飛」列陣,機會似乎好突出。點解咁講呀?因為「魚躍鳥飛」實在好進步,喺香港跑過四場,名次四、三、二、一逐步逐步咁上,終於響上場跑同程1400米打開勝利之門,而且全程放頭,輕輕鬆鬆咁就贏「太陽驕子」兩個半馬位返嚟,拉士仍可造出全場最快末段23秒28將所有對手彈開,屬於高難度之表現。翻查紀錄,今季共有14匹放頭馬造全場最快末段,彈甩對手帶返終點,當中八駒已再上陣,翌仗合共交出五冠一亞一季,僅一駒無三甲。
今次「魚躍鳥飛」雖然升上二班跑,但蔡神仙嘅馬點會怕升班吖,最重要排三檔好位,睇嚟又可以帶到,機會真係好突出!