【本報訊】丁啟泰去年5月6日晚被捕拘押的兩日內，與警方進行七次錄影會面，他說的每一個版本，令調查警務人員留下很多疑團。為何被告最終肯說出肢解真相，被告不諱言：「因為成個過程我覺得太變態，唔敢講出口，之後我諗諗吓，對死者唔住，一定要講番，真實版本係我將佢肢解。」

被告解警疑團

被告又解釋，當初聲稱把死者全屍掟落海，「係想隱瞞自己劏咗條屍！」被問及為何要碎屍，被告答：「成條屍我驚俾人發現，碎咗佢冇咁易俾人發現。」警長談啟泰不禁追問被告：「你有冇曾經做過解剖嘅工作，或者豬肉檔，或者魚檔工作？」被告肯定地表示沒有。
警長又問，為何去棄掉頭顱時要乘巴士，返家則坐的士？被告謂：「因為去嗰時搭巴士，唔會撞到路障警察查，（警察）唔會上巴士查，咁返嚟時搭的士，因為的士快啲，同埋我身冇晒嗰啲嘢，有block（路障）都唔驚。」
對於被告毀滅證物，偏偏獨留一條抹屋抹血迹的毛巾，被告說：「因為有時我突然間行行吓有時有一點血，我專登留番嚟一見到就攞嚟抹嘅！」