平日啲韓星同粉絲影合照，來來去去都係擺心心，或者整心心手指，真係冇乜意思。

要冧暈粉絲就要學韓劇《回答吧！1988》、《好運羅曼史》男星柳俊烈，原來柳俊烈每次被粉絲邀請影合照時，佢都唔會點拒絕，事關佢好錫啲粉絲，所以就連拍照時佢都要望住粉絲嚟影，等自己可以記住粉絲個樣，而唔少有幸同柳俊烈影相嘅粉絲都會將照片放上社交網同大家分享，於是各粉絲就發現原來偶像有呢個小習慣，同粉絲影合照時絕對唔會望住鏡頭，反而全程望住粉絲，不過柳俊烈呢個樣咁情深望住粉絲，搞到啲粉絲都勁怕醜，個樣自然更加老尷，真係唔知好事定壞事呢？