現年31歲嘅韓劇《她很漂亮》女星黃靜茵上月26號同鋼鐵企業家CEO李英敦結婚後，佢哋呢對新人已經飛咗去夏威夷度蜜月，升呢做咗人妻嘅黃靜茵都唔介意放閃晒幸福，繼日前被公開咗同老公仔喺夏威夷度蜜月嘅甜蜜合照之後。

黃靜茵為免再有照片流出，於是索性就自己喺Instgram上載，不過要保護老公仔，所以老公嘅靚仔樣就欠奉，只得佢單人照，不過從佢上載兩張獨照可見，操刀之人必定係老公莫屬，而黃靜茵喺老公面前亦唔介意撒嬌賣萌，其中一張相佢仲嘟起嘴仔，唔知係唔係想啜爆老公呢？