曼聯中場保羅普巴係全球最貴球員，身價達8,900萬鎊（約8.6億港元），周薪亦達29萬鎊；不過，有錢就唔代表會疏爽，日前普巴就畀一名搬運工作大爆連100鎊搬運費，都要拖三個月先肯畀錢。呢名叫做莫祖嘅搬運工人話，佢喺舊年12月幫普巴搬到依家喺柴郡嘅豪宅，點知嗰100鎊搬運費就遲遲未收到。莫祖話：「之前明明講好搬完屋後立即付款，但佢嘅經埋人團隊又話佢哋慣常做法係銀行過數，點知一拖就拖成三個月，次次都有過唔到數嘅唔同籍口，最近佢哋終於應承畀現金我！」