9歲「小巨肺」譚芷昀（Celine）今日於真人騷《全美一叮》（America's Got Talent，AGT）再亮相參加準決賽，同組勁敵都陸續登場。Celine係第一個表演，不過表現就被Mel B踩，反而其他嘅單位都被評判大讚。

其中曾係空難生還者，被火三級燒傷過嘅Kechi就憑住動人嘅聲線同感情唱出《Don't Worry About Me》，打動一眾評判。Mel B唔單止聽到喊，仲大讚「你真係好特別，我已經講過好多次，你係好好，你今次充滿自信表演，對我同其他人好有啟發性，你嘅聲音非常感動人。」連帶其他評判都非常感動，Howie就話激動到講唔到嘢，Heidi就指佢由一個怕羞嘅人變得充滿自信，最後Simon仲大讚今次係佢最好表現嘅一次！Kechi自己聽完評語後都感動到唔識回應，場面感人，加上佢唱歌表現出色，應該大有機會出線決賽，至於最後邊個能夠入圍決賽，聽日就會揭曉！