羅拔唐尼入鄉隨俗，唔止殺入強國市場，仲開埋微博，宣佈《鐵甲奇俠3》下月三號喺內地上映。

香港上映嘅版本，抹不掉內地產品廣告植入，可幸的是，亦都冇中國場景。最多得一瞬即逝嘅王學圻，同片尾出credit時，俾個specialthanksto冇份現身於國際版嘅范冰冰，仲有嗰座、俾滿大人炸咗嘅、位於荷李活大道嘅TCL中國劇院。

咁究竟，睇染紅咗嘅中國版，富有中國特色嘅中國版，又會有乜嘢睇呢？據一眾已於23號北京國際電影節「閉幕式」(內地人係咁嗌)上、睇咗首映嘅內地網民話，會有以下呢啲嘢睇:

1.片尾神秘片段被刪
「 說的是一刀未剪版，但覺得是中國特供版 ，因為彩蛋(即係片尾字幕之後先出嘅神秘片段)被刪了。在中國看的童鞋們不要等彩蛋了……」

2.王學圻范冰冰勁多戲
「 王學圻和范冰冰有N個鏡頭，狗血的是他們說的中文 ，我立刻跳戲穿越了，他們兩超級不搭這部戲，簡直是硬加進去的，王學圻和范冰冰其實就是幫襯中國植入廣告的！ 赤裸裸的展示中方投資是不能白投的 ！」

3.飲國產伊利牛奶
「狗血的伊利植入鏡頭……」



更令人歎為觀止，仲包括內地網民嘅觀感：

「現在國際市場對中國市場的垂涎程度簡直令人髮指！」

「回美國去吧，中國很危險！」

「有個中國演員就拖品質了？沒有刻骨銘心的人性思考就是很差了？」

「結尾居然用無數鋼鐵俠兄弟的自爆來製造煙火給小辣椒慶祝聖誕.....完爆高富帥呀，既然這麼有錢為毛不直接放煙火呀，浪費資源！！！」

「拱手河山討你歡，最後的煙火太敗家了=-=根本就是烽火戲諸侯嘛。」

——唉，人哋部戲係想講，TonyStark應承女友Pepper，要醫好自己嘅焦慮症，同埋接受心臟手術，唔再咁依賴啲盔甲，所以引爆晒所有鐵甲人，連自己心口嘅arcreactor都掟埋落海，唔係烽火戲諸侯，更加唔係高富帥敗家囉。