王君馨晚上現身跑馬地馬場出席活動，對於有份演出嘅劇集《是咁的，法官閣下》獲得好好口碑，君馨感謝觀眾支持之餘亦直言帶挈她工作量大增：「我哋演員們有一個Group Chat，會互相分享網民同傳媒對呢套劇嘅報道同讚賞。」又表示雖然冇正式通知，但係演員們都好希望有機會可以開拍續集。

同劇嘅黃子恆今日就被爆出同大陸女Fans發生性行為兼令對方懷孕（新聞連結： https://bit.ly/2Qya8Cu ），咁演員們有冇喺Group Chat度問候吓黃子恆？君馨話有留意報道，但其他人嘅私事唔方便回應：「子恆係一個好好嘅演員，但呢啲係佢私人生活，我哋冇資格批評亦唔關其他人事。」咁君馨擔唔擔心如果開拍續集會少咗黃子恆參與？佢話：「身為演員同事，我支持佢做好自己。」

君馨仲希望《是》喺月中嘅台慶頒獎禮上得到最佳劇集，至於個人獎項佢自己就冇諗太多，反而就睇好黃智雯，仲大讚對方演技出色，提到頒獎禮戰衣，佢話已經準備緊，稍後就會試衫。

精選娛聞，喺晒《娛果》
http://fb.com/appledailyent