基斯坦奴朗拿度因為逃稅案，突然話想離開皇家馬德里，原來美斯上年都曾經陷入呢個想離開西班牙嘅困局。

據《世界體育報》報導，上年夏天係美斯黑暗期，美洲國家盃決賽輸波後，美斯突然宣布退出阿根廷國家隊，十日後仲因為逃稅案喺加泰隆尼亞法院被判監，就算明知可以用錢代刑，美斯當時仍然甚至低落到同巴塞隆拿講，希望離開西班牙，過檔曼城搵番恩師哥迪奧拿，只係差在未公開講出黎。

當時巴塞主席巴圖姆親自飛去邁阿密，搵美斯老竇詳談三個鐘都冇用，最後靠美斯老友蘇亞雷斯出聲，動之以情說服美斯。