李伯與太太同是福建人，他退休前任職航空公司雜工，太太則是家庭主婦。由於收入微薄，積蓄不多，00年退休後不久，便與太太領取綜援金生活。他表示，兒女各有家庭，負擔沉重，未能兼顧兩老生活，惟大家感情要好，未患病前，他經常抽空到女兒家探望兩名外孫，日子雖平淡，卻很幸福。

兩年前，李伯左邊肋骨經常隱隱作痛，檢查後發現患有第4期肺癌。「我後生時食煙，已經戒咗好耐，平時又有運動，又注意飲食同健康，真係冇諗過自己會生癌。」他表示，醫生指因他年紀太大，不適宜接受手術，他曾花萬多元注射了4次化療針藥，但效果不理想。去年年中，醫生建議他服食抗癌藥Iressa，每天一粒。惟此藥屬自費藥物，每月須支付1萬3千多元，他根本無力應付。
他無奈地表示，兒子於兩年多前因腸癌去世，媳婦獨力撫養兩名孫兒，自顧不暇；女兒則屬普通打工仔，面對龐大醫藥費，她向友人借貸買藥給他吃，至今累積欠款已達11萬元。
李伯服食此藥已有14個月，病情受到控制，也無副作用。「個女要供樓、養家，仲有兩個細路，佢本身都冇能力幫我，𠵱家仲借落咁多錢，真係有排都還唔清，但除咗個女，我仲可以依靠邊個？佢𠵱家都借無可借，醫生又話我要繼續食，除非有副作用先停，我邊度搵錢買藥？」
天無絕人之路，李伯向本報求助時只餘4粒藥，碰巧讀者余先生主動聯絡本報，捐出29粒Iressa，恍如及時雨般解救了李伯的燃眉之急。「我問過醫生可以食呢啲藥，但都只係可以捱到11月中，之後我都唔知點算。」

東區尤德夫人那打素醫院表示，李伯於05年10月發現患肺癌，曾接受4周期化療，當中部份藥物屬病人自費藥物，接受化療後情況穩定，但去年8月病情惡化，癌細胞擴散，開始每天服食標靶治療藥物Iressa每月藥費13,367元。李伯服食此藥後，電腦斷層掃描顯示病情改善，無副作用。醫生建議他一直服食至藥物失效。
捐款編號：C2438

李伯患癌，需每日服食化療藥以延命，每月藥費1萬3千多元，但女兒月入只得6千多元，幾近收入的一倍，她耗盡數萬元積蓄買藥後，見老父健康有起色，只好硬着頭皮向好姊妹借了11萬元買藥。
李小姐嘆稱，與丈夫月入萬多元，每月開支緊絀，最多只餘千多元，向友人借貸的11萬元，暫時無力清還。「個朋友識咗10幾年，都識我爸爸媽媽，佢都係瞞住老公借畀我咋。我個大仔今年讀中七，我想佢入到大學，呢個關鍵時候，每個月都要畀錢佢補習，最近個個月都剩唔到錢。」
她表示，哥哥兩年多前去世後，老父只餘她一個女兒可依靠，「阿哥走咗，已經係白頭人送黑頭人，唔通明知有藥食都唔醫咩？我都係見一步行一步，借咗錢先算。爸爸得番我一個女，我唔幫佢仲有邊個幫佢？」