年僅17歲嘅日本青春女星廣瀨鈴，上年憑住《海街女孩日記》連奪多個最佳新人獎，令佢成為當地影壇新人王。人紅是非多，廣瀨鈴人仔細細已鬧出不少風波，不過仍無阻佢喺圈中嘅搶手程度，廣告合約同身價都有增無減，最近為與妻夫木聰拍廣告化身《足球小將》，多才多藝嘅廣瀨鈴仲模仿西川貴教嘅T.M.Revolution形象，大跳《HOTLIMIT》成為網上熱話。

廣瀨鈴真係忙得不可開交，日前佢着高跟鞋出席頒獎禮，之後廣瀨鈴換上毛毛拖鞋，由助手陪住趕去第二場，其間有男粉絲上前搭訕，不過就發現佢個樣顯得唔多耐煩。