美國流行天后Beyonce於6月中開心迎接龍鳳胎出世，有指佢同老公Jay-Z由於太愛錫新生子女，於是請足6個保母，24小時輪流照顧BB，而每個保母年薪就高達10萬美金（約78萬港幣），1年淨係保母費用就高達470萬港幣，非常誇張！

據美國《OK!》雜誌：「因為雙胞胎唔會同時間訓覺，所以Beyonce決定每個BB需要3個保母，24小時睇緊，每8小時輪一班。」即使佢哋嘅大女已經5歲，都有兩個專屬保母照顧，不過對於身家高達11億6千萬美元（約90億5千萬港幣）嘅Beyonce同Jay-Z嚟講，保母嘅人工簡直係濕濕碎。