應屆DSE考生陳同學指已是第4年來拿平安包,「以前爸爸、媽媽嘅年代就真係會抹一抹個包就食,𠵱家主要都係掛喺門口保吓平安」,陳又稱希望拿平安包為學業祈福,「希望DSE成績平平穩穩就好」。
太平清醮值理會主席翁志明受訪指,「今年(平安包)數量較往年多,主要因為今年天氣好,壞嘅包少,壞嘅包我哋唔派」,可派約兩萬個,料每位輪候人士可拿6至8個回家,翁又指天公造美有助活動進行,「如果天氣唔好,落雨多壞包,我哋就要重新做過啲包,拜過先再派畀人」。
昨日凌晨舉行的搶包山大賽,則由2011、2012年季軍消防員葉建文以1,029分首度奪冠,力壓獲亞軍及袋袋平安獎的郭俊賢與季軍的賽前大熱郭嘉明;女子組則由包山后黃嘉欣以438分,四度奪冠;團體賽冠軍則由長洲西灣媽勝堂值理會奪得。
■記者葉偉東