準新娘陳慧琳（Kelly）昨日出席中環舉行「美心嫁囍禮餅」活動，並乘着四人花轎進場，及後又向現場記者派發嫁囍禮餅，日前與未婚夫Alex完成過大禮儀式，Kelly透露屋企擺滿禮餅、紅酒及椰子等，當司儀指過大禮完成後，證明Alex正式落定娶你，Kelly竟笑說：「咁撻定得唔得。」語畢即指講笑。

已過大禮

Kelly將於下月出嫁，對於收過千萬禮金，Kelly說：「咁多年啦，講心唔講金，隨心啦。」近日陸續派發千張請帖，她透露親手於每張帖寫上語句，並找來設計師製作。原本Kelly想參與過大禮儀式，但被爸爸婉拒，最終一對新人只留在家中。談到婚紗晚裝，Kelly指婚紗還在製作中，晚裝已準備三套，但不會穿裙褂，會以紅色晚裝代替，Alex則訂做黑白兩套禮服。
Kelly還透露未婚夫Alex減肥成功，體形由特大碼減至大碼，問到會否獻計玩新郎？她說：「我知佢驚乜，但我驚姊妹都驚，我好想一齊玩，喺房等會悶死，我諗緊叫佢哋駁線入房現場直播畀我睇。」至於婚宴也沒有玩新人環節，Kelly表示很想被玩，因為由朝到晚也在換衫拍照，只是兄弟姊妹嫌老土放棄了這個環節。
採訪：馬建華　攝影：陳志嵐