當年今日

約見速遞員遺屬 
必勝客負責人「甩底」

蘋果日報 2016/12/08 00:00


【本報訊】不幸命喪車禍的25歲Pizza Hut速遞員郭家浩,其父母昨晨到殮房認屍,家人透露家浩生前簽下器官捐贈卡,惟遇上車禍,器官受損,難以遺愛人間,郭父譴責肇事司機鹵莽,「如果佢(拖車司機)肯煞掣,我有番個仔!」近50名親友昨午到葵涌葵福路拜祭,場面哀傷。
empty
死者郭家浩(小圖)親友昨路祭,其間Pizza Hut外賣員駕車經過,揮手向不幸身故的同事致意。翁鈺輝攝
公關稱無正式約晤
昨晨9時左右,家浩父母、胞弟及一班教友到殮房認屍,郭父指愛兒勤力又負責,做貨倉外,又教游水,並兼職Pizza Hut速遞員,還一周返三天學,希望可取得證書任體育教師。「𠵱家一提起件事就好傷心,好掛住呢個仔,佢突然走咗,只得25歲,好有前途」。說罷不禁潸然淚下。郭父指很多司機無意識打燈便過線,出事現場若司機看清楚才轉右便不會發生意外。至下午2時,半百親友及公司同事在葵福路路祭,郭母哭喚:「浩仔返嚟啦!你簡直乖到101分!」
工業傷亡權益會總幹事陳錦康稱,由浩仔家人口中得知,Pizza Hut負責人原相約浩仔家人昨午會面,卻臨時指「有啲嘢做」而缺席,陳批評Pizza Hut「好離譜」,應即安排善後。昨午5時許該會在fb發起兩天罷食Pizza,有網民即時響應,陳稱「公道自在人心,Pizza Hut應該好好反省」。
Pizza Hut公關回應《蘋果》時解釋事前無正式約過昨見面,或出現誤會,現已安排今晨10點與家浩親屬會面。至於有工會發起罷食,公關稱不會特別回應。郭家人昨晚回應指,昨路祭由Pizza Hut協助安排,其間Pizza Hut代表遞支票給家屬,工業傷亡權益會成員指應開會見面,列述賠償細節才收,家屬認為有理拒收,路祭後公司代表突取消原本約會,之後人事部致電他們約今早會面。
■記者翁鈺輝
empty
家浩父母及胞弟路祭高喊:「你快啲返嚟啦,唔使擔心,細佬會照顧爹哋媽咪!」