汪阿姐喺劇中飾演患有情緒病嘅角色,幾乎每個對手都會俾佢鬧,所以佢話要好好保護聲帶,希望拍攝時可以有最佳狀態。
喺一眾後輩之中,汪阿姐稱讚飾演記者嘅岑麗香敢問肯學,汪阿姐話:「有場戲佢搵咗我幾日,想我接受佢訪問,但俾我寸到佢暈。仲有一場戲,佢要喺豬場幫我執戒指,佢拍完問我得唔得,我好老實答佢,梗係唔得啦,你要夠入戲就落手執,越污糟嘅場面就越好睇。」汪阿姐袋錢落新人袋,果然都去得好盡,受惠嘅後輩真係要講聲多謝。
大隻仔羅仲謙再夥拍黃智雯演鬥氣寃家,汪阿姐喺戲中會棒打鴛鴦,其中一幕戲汪阿姐仲搵嘢掟黃智雯,汪阿姐發火你都咪話唔驚,好彩黃智雯一take過搞掂。