獲檳城元首「敦阿都拉曼」77歲華誕受封為DSPN拿督咁巴閉喎,難怪康泰旅行社創辦人黃士心興奮得咁交關,噚日仲特別着上新訂製嘅拿督套裝,喺康泰旅行社金鐘總社巡遊,同大家分享喜悅。八方聽聞,唔少員工聞「督」而至,爭住同新任拿督合照呃like(圖)。
有人奇怪點解黃士心會獲封拿督?當然同佢大力協助推動馬來西亞旅遊有關。佢早於1979年開始,每年引進唔少香港同中國內地遊客,去馬來西亞檳城同其他城市觀光遊覽,據聞總數過萬,同時又執筆寫過旅遊工具書介紹當地景點,包括《馬來西亞玩番天》。咁樣幫手hardsell,難怪獲任拿督咯。