求驗客手記:金塊教練積極抗癌 - 求驗客

蘋果日報 2010/03/18 00:00


生命禍福有時冇得選擇,但生命態度就有得選擇,好似金塊教練卡爾就好積極面對喉癌;呢位58歲教練連日來接受化療,6周療程已經進行咗一半,循着康復之路進發。不過,卡爾都唔係好放心,皆因今次已經係佢繼05年患前列腺癌後再次患癌,佢進行化療之時仲要戴上一個白色網罩,搞到佢話有少少「休閉恐懼症」感覺。好在卡爾話會堅持落去,而出名工作狂嘅佢周二仲趁唔使化療歸隊領軍振軍心,西岸「2哥」金塊最終主場以97:87擊退巫師,班球員咁爭氣,卡爾可放心對抗癌魔喇!