整容次數高達30次，喺盛女節目做主持嘅美容達人Queenie(陳莉敏)，不時喺youtube分享美容同整容心得，噚日佢上傳嘅一條片就更大膽，教大家用震盪器(即自慰器)去做美容。

Queenie條片用一種好活潑嘅方式去教人用呢啲震盪器，又話震盪器其實都只不過係摩打，仲話佢嗰支震盪器放喺廁所仲多過喺房，因為佢朝早會用震盪器去按摩佢塊面去水腫，又讚自己用開呢隻震盪器都幾型，「咸濕得嚟又幾抽象」咁話，佢又幾幽默喎!

之後又搞笑話如果冇震盪器，可以用自己部iphone較震機代替喎!之後佢仲發現原來呢隻震盪器用嚟拍蒜頭好好用添!最後佢就話:「其實震盪器都係一個摩打仔啫，買震震機唔代表你變態，唔代表你嘅吸引力有問題，大家係應該用健康嘅心態嚟睇性呢樣嘢嘅，吓?我變態?真正變態嘅人先至唔講出嚟呀!」