有六位歐洲騎師角逐這晚（4日）國際騎師錦標賽，陣容鼎盛。

當中，綽號「天下第一高手」之莫雅，貴為兩屆全球最佳騎師兼兩屆國際騎師錦標冠軍，今屆先聲奪人。

他在這晚谷草第四場四班1000米，夥拍告東尼馬房落飛熱門「閃電精靈」後上一擊即中，成功攻下騎師賽頭關，隨即以12分一併在騎師賽及騎師王領導群雄。

莫雅連同於第三場贏出霍利時馬房「勝感」，跑罷全晚前四場賽事騎兩駒全勝，成為今夜谷草首位起孖騎師，可謂頭威頭勢。

三歲澳洲自購新馬「閃電精靈」上仗服役初出直路賽得第六，今晚第二次出賽，初跑谷中，沿途守第三位，直路莫雅一騎即彈上，閃電般殺上輕勝1.5馬位，打開勝利之門，贏馬姿態十分輕鬆，單Win及組合獨贏A2分別派50.5及26元。

「閃電精靈」同時為告東尼馬房打破兩個月谷戰頭馬荒，兼替東廐以強陣出師周日（8日）國際賽造勢。

此場雷神莫雷拉喪放10倍冷門「龍城勝將」，造出極快步速，馬兒放到直路步姿不妥，明顯受傷。

結果此駒未有跑畢全程，過不到終點，隨即被馬車運去馬醫院救治，疑似重創，其情況令人憂慮。

第四場二至四名順序為「開心好友」、「萬眾之力」及「哈蝦王旺」，三駒騎師為川田將雅、田泰安及何澤堯。

----------------------------
【蘋果馬網即場搏殺貼士】贏錢撳呢度
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇