賴：賴維銘
記：記者吳文輝

記：韋達今季轉任練馬師成績唔錯，上季潘頓向呢位昔日宿敵大送秋波，令人印象深刻，今戰（21日）兩人又有一匹第二場四班1000米直路賽的「超能量」合作，唔知可否攜手贏馬？

賴：我認為「超能量」嘅機會都相當好，猶記得此駒最初上陣係以1200米起家，經常接近卻贏唔到，上季首場由潘頓騎初跑1000米直路賽，排1檔形勢唔算好。

不過此駒早段仍夠速度走在前列，而且有前有後，衝線更能力迫當時銳氣甚盛之「勝利寶石」，實在唔簡單。

之後為何再無跑直路賽原因就不得而知，跑1400至1650米靠均速欠缺竄勁，或者與路程有關。韋達暑期曾親自為「超能量」彈草閘，速度高而且氣勢相當好，上仗季內初出跑1400米同上季一樣，均速毫無追勢，韋達清楚馬匹性能。

今次縮落1000米必有原因，難得抽到14檔，起步順利貼外欄相當好跑，潘頓要得到韋達支持，今場一定要交出好成績了。

記：講到縮程，其實第六場三班1000米直路賽，蘇偉賢旗下的「天生一對」亦縮程上陣，你又點睇？

賴：「天生一對」同「超能量」跑法同性能都有點相似，所不同係「天生一對」贏過兩場1400米，馬匹質素肯定唔錯，上季尾因腳傷落敗情有可原，可幸暑期工夫做足，早前試草閘反應十分好，可能因為有過傷患，初出跑較輕鬆的一千米，同場路程專家唔少，但「天生一對」質素好，半冷不妨留意。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港