韓劇《請回答1988》男星朴寶劍跟女團RedVelvet成員Irene因為合作主持音樂節目《MusicBank》而成為老友，二人在台上亦不時甜蜜對望同互動，令觀眾大呼二人合襯，希望二人可以配成一對。而朴寶劍跟Irene似乎唔怕傳緋聞，二人私下出席聚餐時就被影到老友鬼鬼，唔通真係有發展空間？

噚日，《MusicBank》節目組為慶祝朴寶劍跟Irene合作做主持一周年，就一齊食飯而且送上花束。聚會上，朴寶劍跟Irene排排坐，而且仲傾計傾得好開心，之後Irene仲主動伸手幫朴寶劍整理淩亂嘅頭髮，真係又貼心又sweet。

對於合作咗成年，朴寶劍當然要多謝好拍檔Irene，表示：「多謝跟我拍檔嘅Irene。」而Irene亦回應：「多得朴寶劍跟觀眾，我先可以堅持到依家。」連節目組負責人都忍唔住表示：「朴寶劍跟Irene作為最強外貌拍檔，二人合作有最佳效果，希望佢哋能跟《MusicBank》一直走落去。」