趣趣地:布力般班主帶球迷去印度

蘋果日報 2011/09/20 00:00


布力般開季麻麻,不過佢哋終於喺上輪爆冷贏阿仙奴。雖然球隊回勇,但佢哋印度班主(圖)嘅民望就依然喺谷底。為咗得到球迷愛戴,佢哋諗咗條橋,問吓班球迷佢哋有咩做得唔妥。唔好以為係做問卷調查,查實係請班長期fans去佢哋位於印度嘅總部開會。呢班球迷全部都係球會嘅死忠粉絲,佢哋有上網上論壇,有啲自己有開布力般嘅網頁。呢次可以近距離聆聽球迷嘅聲音,希望布力般班主嘅人氣有得回升啦。