【心急咗啲...】阿女都未嫁 58歲文雪兒已經恨抱孫
58歲抱孫文雪兒生日
今日係文雪兒嘅58歲生日,佢就返到大台電視城出席「三月星辰」活動,講到生日願望,文雪兒就話係身體健康,至於同家人點慶祝,佢就話因為大女明天就會到日本滑雪,所以已經提早慶祝。
大女明天到日本滑雪,但日本天氣受到急速發展嘅低氣壓影響,日本廣泛範圍吹起強風,其中北海道由周四午間左右開始,部份地方或刮起暴風雪。因應惡劣天氣情況,全國有182班航班取消(新聞連結: http://bit.ly/2oHBLJv )。問文雪兒可擔心囡囡行程受阻,佢話實有啲擔心,但相信女會識得處理。至於想唔想囡囡早啲出嫁?文雪兒就話:「其實我好想快啲抱孫,但我唔想俾壓力佢哋。」
文雪兒仲話,將會出發到橫店拍攝新劇《包青天再起風雲》,戲中同羅樂林比較多對手戲,仲講笑話40年前大家做情侶,o依家升呢可以做夫婦。
精選娛聞,喺晒《娛果》
http://fb.com/appledailyent