吳綺莉囡囡卓林最近輟學，同一個年約30歲嘅加籍長髮紋身女同居(新聞連結： http://bit.ly/2hd74LY )，今日有周刊報道，佢哋平時都一齊出去，有時去買家庭用品，有時出外醫肚，卓林自從同紋身女拍拖，連Ig貼圖都改用粉色系，完全配合紋身女，而且卓林一向對拍攝同兀山電影都有興趣，紋身女又作風大膽，成日喺網上貼一啲性感相。

今日有周刊指，呢位紋身女年約30歲，喺網上開飾物店，自己會做埋model，成日喺網上貼一啲性感相，睇番卓林Ig，原來7月嗰陣，紋身女喺天台影嗰輯相，卓林都在場，未知啲相係唔係卓林「操刀」，同時卓林都貼咗兩張粉色系嘅單人相上Ig，吳綺莉都有轉貼啲相上微博，留言：「好久沒有看到你這麼開心的笑了。心裡開心得要掉淚。」吳綺莉似乎7月初已經學習放手。

此外，吳綺莉今年6月出活動時，被問介唔介意囡囡同性戀？佢話：「我好開通嘅，冇乜所謂，反而介意佢返嚟話畀我聽有咗，我唔想做婆婆，性別唔重要，搵個伴要照顧、了解大家、心地善良，錫我個女比任何嘢更重要。」(新聞連結： http://bit.ly/2yaTFYf )。