【賢歸正傳】剛戰輸超快步速 賽績具指標性(廖浩賢)
廖浩賢盛大光輝賢歸正傳
盛大光輝(左)剛戰在超快步速下屈居第二(香港賽馬會)
自從季初(9月21日)「高耀智星」火併「超能量」之後,已經好幾個月未見過雷神與潘頓單打獨鬥的場合。
剛周末(21日)「美麗掌聲」與「錶之智能」鬥足一條直路,當今兩大高手過招,你一拳我一腳,精彩萬分。
雖然賽果係潘頓「錶之智能」險勝「美麗掌聲」短馬頭位,但問心講句,今次勝負關鍵並唔係鞍上人是誰,而係「美麗掌聲」輸在排大外檔(12檔)、孭最重磅,兼且跑法被對手睇穿。兩駒如果日後有機會再次碰頭,真正鹿死誰手,馬迷心裡自有答案。
記得三個星期前夜賽正是國際騎師錦標賽之夜(4日),一再指出,呢班世界級騎師來港角逐,錫身程度往往出人意表,佢哋出閘後唔會搶位,以致賽事步速會偏慢,大家都安全至上,只留力鬥末段。
呢類「真賽事假賽績」,好容易令鍾意刨賽績嘅馬迷誤會,但今季情況有所不同,當時頭馬「閃電精靈」以及「龍鼓飛揚」再出再贏,而「雷公鑿」就差少少補中,似乎要將過往對騎師賽嘅負面觀念重新評估。
初步睇周四(26日)報名表,第一匹重心點評就係「盛大光輝」,唔係因為潘頓已經過檔策騎,亦唔係因為馬房部署明刀明槍,而係因為上次(4日)莫雅策騎時以超快步速帶放,最後僅在終點前一步被「勤德兼備」所擒跑第二。
「盛大光輝」上場本身造出1分39秒39準一班頭馬時間,係真賽事、真正指標賽績,乃當晚騎師賽四關賽事中表現最好嘅一匹馬。
-------------------------------
參加《玄機解馬》節目,可免費畀美女堪輿學家唐碧霞睇八字、睇相指點迷津,快啲入嚟報名。
點擊即可免費睇相 -------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度 -----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇