練馬師賀賢早前一家大細返咗澳洲，同父母一齊過聖誕，不過就冇阻馬房出擊，近兩期就算佢唔喺香港，都以「威武再現」和「龍鳳情祥」贏馬。

而佢係昨晚（30日）返港，今朝（31日）更重新蒲頭督操，呢期當然要繼續贏，務求喺元旦添頭馬，新一年有好開始。

翻查數據，今季賀賢與潘頓合作上名率有42%，呢期二人有喺第七場三班1200米合作「京京千里」，自然唔好睇小，始終呢匹馬係三班跑有着數。

「京京千里」上場跑1200米輸畀超班馬「帝豪福星」冇得講，今次強手已去再爭同程，隨時補中贏馬。