聾協40週年慈善晚會噚晚喺九龍灣舉行，黃夏蕙同艾美琦(Amy)有份做表演嘉賓。艾美琦話今次係第一年出席呢個慈善晚會，好多謝佢哋請我做表演嘉賓，自己特登學咗兩個手語，分別係「我愛你」，同一啲勉勵說話；佢仲話自己學咗一日o添。勉勵說話內容係講人生會遇到挫折，佢自己都試過受到好多群眾嘅壓力，笑言學識咗可以勉勵自己。

Amy本身係會同夏蕙姨合唱㗎，不過因為唱歌老師話佢未夠班，而且佢把聲只係啱唱男音，同夏蕙姨會撞，所以就冇合唱。

黃夏蕙謙虛話因為俾唔到曲目契女Amy，所以就要同分開唱；夏蕙姨仲話冇所謂，唱時代曲可以就到Amy，佢仲幫契女講說話：「粵曲真係好難唱，又唔係佢未到家嘅，同埋兩個都係男仔聲真係好難。」

未來夏蕙姨會同Amy拍戲，呢兩日就會收到戲本，角色方面就有可能會做Amy嘅媽媽，問到造型方面會唔會出動私伙嘢，夏蕙姨就話冇所謂，有雖要佢都會拎出嚟。