當年今日
關於我們

【奧運小鮮肉淫亂史】 日本隊奪金 網民Po體操型男4P照贈慶

蘋果日報 2016/08/09 18:00

里約奧運加藤凌平體操型男

睇靚仔已成為每屆奧運嘅指定動作,一班日本嘅體操型男,近日吸引廣大觀眾忽然關心體育。不過隨住班靚仔運動員紅爆網絡,唔少舊聞都被全球網民翻兜再翻兜,除咗來自巴西嘅22歲小鮮肉體操選手Arthur Nory,一段疑似以前同女士玩裸聊嘅片段被網民重溫外,青靚白淨嘅22歲日本體操選手加藤凌平,近日喺里約奧運有唔錯表現,隨即又被網民翻舊帳重溫淫亂史。
今日香港時間,加藤凌平、內村航平、山室光史、白井健三、田中佑典代表日本參加體操男子團體賽,為日本贏得一面金牌,至於俄羅斯同中國分別奪得銀牌及銅牌。日本隊勝出體操男子團體賽事,當地網民非常有心,摷番加藤凌平於半年前流出嘅醜聞溫故知新,而呢輯4P絕密照中,加藤凌平跟幾名女子酒後亂性,佢唔止使出柔軟體操甫士擘脾任影,更一王幾后啜勻身邊女子,令佢嘅乖乖仔形象毀於一旦。