「靚湯」湯洛雯自從同羅天宇分咗手之後，真係越嚟越大膽！繼早前去馬爾代夫旅行變出水芙蓉晒三點式，輕露事業線，今日竟然同麥美恩玩拍胸。

話說靚湯今日同麥美恩、馮盈盈等人錄影《學是學非》，幾個女仔排排坐等埋位，靚湯就拍ig story消磨時間，坐佢隔籬嘅麥美恩，貪玩出手拍咗靚湯胸口一下，兩個女仔笑到停唔到口，麥美恩以防靚湯報仇，即刻雙手護胸，抵擋靚湯進攻。不過靚湯最後都有趁麥美恩放低戒心嘅時候還擊，突襲成功。但呢個女生間比賽未完㗎，佢哋換好晒衫出到去外邊，麥美恩再次趁靚湯拍片嘅時候出擊，得手後迅速逃離現場，靚湯想追都追唔切。

另外，湯洛雯有喺今日活動上就講番，嗰次去馬爾代夫旅行係同屋企人去，同阿妹湯樂瑤同房，佢又話自己性感泳衣照唔多，反而阿妹身材仲好。

精選娛聞，喺晒《娛果》
http://fb.com/appledailyent