現年52歲嘅韓版《步步驚心》男星趙敏基，早前被爆料指佢於清州大學任助教時，涉嫌性騷擾女學生，隨後趙敏基被大學炒魷。(相關新聞連結： http://bit.ly/2GxELzs )

事件持續發酵，陸續有唔少疑似受害人爆料遭趙敏基性騷擾，新人女演員宋荷娜亦實名公開自己係受害人，甚至有受害人表示曾收到趙敏基發出嘅色情短訊，警方上月尾已就事件刑事立案。而負責案件嘅忠清北道地方警署今日表示，已經向20多名受害人落口供，至於趙敏基將以嫌疑人身份於下周一到警署接受調查，同時趙敏基已被禁止出國。

另外，早前被指涉掌摑女星及迫女星拍床戲嘅57歲名導金基德，近日再被爆曾要求女星玩3P。據將於今晚播出嘅節目《PD手冊》嘅預告，起訴金基德掌摑兼迫拍床戲嘅女星A透露，金基德曾要求同佢發生性關係，甚至要求同佢以及另一名女性玩3P，但因為佢拒絕金基德嘅性要求而遭金基德無理解僱及掌摑。節目又訪問咗女星B及C，B表示曾遭金基德性騷擾，而C則稱曾遭金基德性侵，其後需接受精神科治療。

更多韓流，喺晒《娛果》
http://fb.com/appledailyent