提起iBanker（投資銀行家），你想起什麼？貪婪？講金不講心？

有「新股女王」之稱的卓佳香港商務部董事總經理鍾絳虹，與iBanker打交道逾廿年，她坦言，金融圈人情紙薄是一定，但「做刁（deal）嘅iBanker好講義氣！」。因為有義氣，才能捱過新股上市期間無數的困難，獲得客戶的信任，繼而有下一單生意。

原來「情與義，值千金」是真的。

鍾絳虹多年來參與至少600隻新股上市，投行及律師為她冠以「IPO Queen（新股女王）」。一宗新股，集合不同背景的iBanker、律師及其他專業服務人士，要求團體合作。鍾絳虹說：「好似唔同劇團嘅人join埋一齊，聯合演出一台戲。」

戲上映前，要花大量人力物力，例如要付高昂的律師費，又要應付監管機構的質問審批，去到最後一刻，往往發生意想不到的事情，處理不當會令新股上市延遲，甚至取消。「呢個時候就要有少少the show must go on嘅精神」。

這個時候，是看穿人性的好時機。鍾絳虹說，「呢個世界一定有兩種人，一種係好講義氣，做人做生意都係講個信字。」明明已完成自己的工作，但仍願意捱夜「執手尾」，「好多時係睇你幫唔幫佢諗，肯唔肯同佢揹，要喺人情同道理之間取捨。」同時，彼此間信任就是這樣，一點一點建立起來。 因此，鍾絳虹深信無義氣的人是做不到「刁」。

至於另一種人？就選擇比較保守嘅做法，觀察多時後才決定，「人始終係照顧自己嘅利益行先，你唔可以怪人，係咪？」

外界總覺iBanker擺出一副高高在上的姿態，難以相處，鍾絳虹笑言，可能自己有一定年資，而且「覺得我可以幫佢地解決到問題，有好多上市條例係冇寫點做，問律師淨係識法律嘅嘢，但我用好多工餘時間幫佢哋解決問題，用到幾乎係冇私人時間。」不過她不認自己是工作狂，而是身不由己「你揹左上身好難唔繼續，如果佢上唔成市或者出咗事，大家都唔開心，都影響我自己嗰份工，譬如我收唔到錢，我都好麻煩㗎，所以其實幫佢哋都係幫自己。另外對我嘅僱主，我都要講義氣」就是這份抵得諗的性格，鍾絳虹在iBanker身邊游刃有餘，「佢哋都好尊重我！」

鍾絳虹曾說過，投行界合作時的友誼只是過眼雲煙，但去年她毅然離開工作了四分一世紀的中央證券登記，轉投卓佳，令她有新感受，「有啲banker都好支持，仲會同個客推薦我，話我真係信得過……始終唔同公司、唔同行業，做乜要幫你出聲啫？但原來真係會有人撐架。」去年聖誕節，卓佳為鍾絳虹舉辦聖誕派對，多位合作多時的iBanker都賞面出席，順道恭賀她事業更上一層樓。

鍾絳虹畢業後第一份工作是在英資怡和擔任公司秘書助理，後來跳槽到中央證券工作，直至去年才轉工到卓佳，在金融界裡算是罕見。她坦言，當年轉投中央證券，只是打算做兩年，但做下去很有成功感，一晃眼就25年。她認為，要成功「做好你份工」，除了義氣和信任，知識亦很重要，「啲人成日唔轉工唔好，係無進步。若你做事覺得唔成功、唔開心，你梗係要轉工啦！但若是從事專門行業，其實做得唔夠耐係浸唔夠，浸唔夠就唔會有足夠嘅經驗同知識。停留太短時間，唔夠你去建立你嘅信字，亦冇咗融會貫通嘅能力。」

記者：陳雪蕾

影片：
採訪 / 陳雪蕾、張嘉鎣
編撰 / 張嘉鎣
攝影 / 馮峰、卓振輝
編導、剪接 / 梁依能
編審 / 倪敏慧

investMAN
For People of Style & Substance
掌握理財智慧 感受生活品味
http://facebook.com/investMAN.hk