近日因為一張俊臉紅爆嘅馬尼拉市長埃斯特拉達……個囝囝Jake Ejercito，雖然因為喺來港向人質家屬致歉嘅嚴肅時候又伸脷又約buddy去wet，惹嚟唔少批評，但無礙佢來港旅遊嘅靚靚心情，噚日拍住老竇一齊喺中午時候出動濕平。
埃斯特拉達離開酒店時接受本地同菲律賓傳媒訪問，形容香港同馬尼拉係姊妹城市，對達成和解感高興，所以噚晚亦會慶祝，而濕平則以珠寶首飾同鞋為主打。八方發現佢哋曾到訪金鐘統一中心，唔知係咪同菲國領事見面；而佢哋約4點返酒店時，Jake Ejercito手上攞住好大個紙袋，明顯滿載而歸，據知佢哋今日下晝會返菲律賓。