【輸俾樣貌條件差過自己嘅女人】48歲張可頤認命:錯嘅男人嚟搵我多
張可頤專訪香港華爾街女人永遠是對的
依家有無綫經典台,翻煲舊劇,隨時都可以。問題係,今時今日,仲有冇劇值得煲。
《九五至尊》又真係好正。2003年首播,張可頤吳美珩江華Paul哥陳曼娜陳嘉儀馮素波鄧浩光仲有個林韋辰。林韋辰都重返無綫,亞視味仍濃;江華劉華劉江華三合一嘅江華拒復出拍劇,吳美珩變身闊太,艷光不減。四娘張可頤呢?
拍《九五至尊》時,她34歲,今年48。台慶頒獎禮常客,當年與宣萱的恩怨……依家宣萱都回巢拍4K,張可頤2012年離開娘家後,未再回頭。
【又一個Mall姐翻版?】
去過港視,又上大陸,早排拍咗美國Fox進軍亞洲、斥資開拍的《香港華爾街》,仲拍電影———張可頤已經好耐冇拍戲。新作係《女人永遠是對的》,最近可頤密密做宣傳,故事講述四位曾任職空姐女性生活,個性及感情方面不同迂迴,好貼合香港中女話題。
戲中可頤飾演表面婚姻美滿,實情係暗藏殺機婚姻,慣性操控主宰狂,婚姻走進墳墓,被飾演老公謝君豪提出離婚,最後發現:「自己輸畀一位女性年紀比自己大,樣貌條件都比自己差女人,真係晴天霹靂,輸畀後生都心甘命抵。」又一個Mall姐?定戴安娜輸比卡美拉的翻版?
電影主題想令畀女性尋回真正內心快樂,對老公同個家,唔係越揸得緊就得,要學識放手。大銀幕上可頤講得咬牙切齒,戲外對感情是否有呢份執著?她稱:「我對感情係講感覺,要睇有冇條件附帶之下,有冇小朋友或者經濟、雙方家長壓力。成年人唔係話離婚就離婚,以我經驗,都係拍拖多,灑脫啲。」
【專登去搵一啲錯嘅男人】
在感情世界裡,可頤謂自己絕非合格家庭型女人,不甘於結婚生小朋友、湊小朋友返學放學、補習、搵學校、考試這種全職母親生活。意味不婚主意?可頤話:「又唔想用『不婚主義』形容自己,只能夠講,依家嘅狀態係最舒服,以後唔敢講。加上近幾年都不斷在外地工作,連媽咪都唔係成日見到,如果我真係結咗婚,係咪一個稱職老婆或者媽咪呢,我認為依家呢個狀態係最啱我。」
年屆48歲可頤保養得宜,仍然索女一名,熟女階段仍未遇上真命天子,完全冇壓力,佢話:「感情狀況未有著落,我成日覺得啱嘅男人未遇上,如果啱嘅就喺埋一齊咗啦,我又唔係專登去搵一啲錯嘅男人,係錯嘅男人嚟搵我多,啱嗰個人未出現,我嘅狀態就是如此。」
採訪:卓寶花
攝影:沈健程
片段:廖達燊
Hair : Louis Tse @ POPEIGHT
Make up : Chris Chan
服裝提供: Bally
鞋:Jimmy Choo
場地提供:新蒲崗貝爾特酒店
與陳容森一段情,已為人淡忘。張可頤原來都曾疊埋心水嫁人。
張圖有聲。咪就係大蝦同四娘囉。 (《九五至尊》劇照)
吳美珩的美,令人十分掛念,可惜復出機會微乎其微。(《九五至尊》劇照)
記唔記得呢個地球村喺邊?呢個結局,都相當出人意表。 (《九五至尊》影片截圖)