自從電視發牌風雲之後，有兩個人係最大得益者，唔係講緊無綫或者亞視，而係港視嘅美棋BB同芷晴BB呀！即使港視未開播，但佢兩個已經勁受一眾宅男同公關歡迎，幾乎每日見報，今日亦唔例外。

話說芷晴BB今日落咗銅鑼灣，真係唔多人嘅地方都唔去。只見佢喺世貿嗰度徘徊咗一陣，就入咗去某國際護膚品牌嘅活動，出返嚟嗰陣容光煥發左添。

嘩！到底有咩活動可以搞到芷晴BB咁靚先？「無呀，啱啱行過見到個Booth幾靚，咪去睇下囉！原來入面有得做精華液測試仲有人教埋點護膚喎！最開心係，佢地讚我皮膚好。我又好醒咁一試就知邊隻精華液最受歡迎！」即刻明白咗點解佢會笑住行出嚟！

至於江湖傳聞就嚟約滿港視嘅佢，會轉投一台獨大，仲搵埋阿爸黃日華搭路。佢就話無啲咁嘅事，自己啱啱先幫港視一套新劇試完鏡喎！咁又係，而家你喺港視都好紅啦，曝光率多過好多大台姐仔，駛乜過去丫！