有時跌一跌，真的可大可小，律政司司長鄭若驊上月在倫敦出席講座期間，遭到數十名反送中示威者包圍，混亂中鄭若驊跌倒，事後報稱左手手腕甩骱兼骨折，曾堅拒回港，被送到北京接受治療，需3個月至1年才能康復，接受手術後目前仍在放病假。

昨日英國《金融時報》引述3名知情人士稱，指司長鄭若驊曾希望辭職並留在倫敦，惟北京下令她要回港，疑辭職不成「被送中」，上周二晚上才回港見傳媒，自爆被中國駐倫敦大使館安排到北京，惟鄭若驊的辦公室則否認她計劃辭職，或是在北京命令下才返港。

資深傳媒人伍家謙今早在IG貼出有關鄭若驊的報道，回想起2012年倫敦奧運，中國「飛人」劉翔因跟腱斷裂未能出賽一事，他留言：「佢甩骹，要特登送返去北京醫咁巴閉；當年奧運劉翔成條腳筋斷咗都係留喺英國做手術咋喎！」他認為鄭若驊勁過國寶級運動員劉翔，笑言：「個邏輯好似有啲奇怪，不過又講唔出有咩怪，仲記得嗰陣我喺倫敦踎街三日等阿翔哥出院，連飯都唔敢行開食，結果嗰3日我試晒隔籬間Tesco所有味嘅雪藏三文治。」有網民好奇：「人哋國家英雄嚟，當然地位超越劉翔啦！」

此外，伍家謙昨日也出席民陣發起12.8國際人權日遊行，「由年中行到年尾、由着背心變成着褸、由夏天走到冬天；對於一個手搖珍珠最多興得個零月嘅城市嚟講，其實好不可思議。香港人，同行。繼續努力」。
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇