恒隆同新地想將沙田頭神召會神學院塊地用嚟起樓賺錢，斷斷續續搞咗成十年，最近重新向城規會申請起住宅。蘭西收到一位可能係教友嘅讀者來函，話香港教會冇耐之前先至因為要借用神學院辦公同教友聚會之用，並且向教友籌集三百萬，用嚟裝修神學院同添置各種設備。
呢位讀者好似有多少不滿，一嚟教會就借用神學院一事，事先冇諮詢過教友；二嚟認為恒隆主席陳啓宗身為香港教會教友，既然明知公司想發展神學院，點解唔早早單聲，同阻止教會作出呢個決定。如果好快就發展，咁教友捐咗嘅三百萬咪付諸流水？
呢位教友建議，陳啓宗如果要發展塊地，最好就請佢脫離教會；唔係，就應私人奉獻三百萬。唔知陳啓宗會點回應呢？