周日（29日）舉行今年最後一次賽事，編六草四泥，草地用B加2欄，天文台預測密雲有雨，估計場地掛牌為好地。

睇番2018年最後一戰亦係用田B加2欄，當日後追馬絕對唔蝕底，好似「錢途再現」、「領闖者」、「動力爆發」、「珍珠鳳凰」及「天池怪俠」都係早段留守中後位置，入直路憑後勁反先對手勝出。

另外，一及二檔包辦半數頭馬，預期能守內叠之後追馬值得優先留意。

今戰列陣馬中，第六場四班1400米草地「爆騷」，唯一頭馬正是於田B加2欄所得，今次重返強項，有力重開勝門。

另外，第八場三班1400米草地，「快樂實在」兩次角逐田B加2欄非冠即亞，憑出色場地性能可再取頭馬。

至於四場泥地路程均為1650米，近期此程利追唔利放，如「安賦」（兩次）及「蒙古傳奇」俱後上建功，故此第二場「執到笑」、第四場「南莊瑞寶」及尾場「好鬥心」等擅跑泥地之後追馬可秤先。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇