電影《地下拳》今日於荃灣愉景新城舉行特別場，監製黃柏高（Paco）、有份演出的李璨琛和盧惠光等到場支持。有傳Paco早前曾患重病，今天他顯得精神奕奕，受訪時更大方承認去年曾患病：「好返好多，多謝上天，非常難得。（病）係嚴重嘅，好彩好快發現，又有個好醫生幫我做手術，而家恢復返。」

Paco坦承病因是飲酒太多，但並非與肝臟有關的疾病：「總之身體健康係第一位，而家酒要暫停，對我嚟講係最大懲罰，都戒咗近一年，上年7月到而家。」他呼籲大家不要喝太多酒，而他的身體出現一些跡象令他發現患病，但未有透露更多病情。Paco笑言現時是重新適應：「大家都知我最鍾意飲酒，不過年紀大要停，無謂挑戰自己。」問到是否已完全康復？他說：「我唔敢咁大膽講，總算大步檻過啦。」他指不幸中之大幸，因為武漢肺炎疫情令所有工作停頓，讓他有更多時間靜心休養：「衷心希望疫情早啲過去，大家回復正常，大家都努力衝刺工作，把握機會。」

同場的李璨琛，再被追問太太梁志瑩經常在網上晒愛女李元元（Lucy）的相片，有網民指她把囡囡當搖錢樹，他聞言即認真說：「唔回應啦。」他謂平日自己較少與囡囡拍照，但陪她玩時會影得意相：「我好少影佢，老婆影多，佢都有啲我哋嘅DNA，唔算刻意擺甫士，佢自己覺得得意囉，不過小朋友學嘢真係好快。」李璨琛表示暫時無意再生小朋友。

至於他有份監製、原定今年新年檔期上映的電影《大盜演》，因疫情影響延期，李璨琛說：「而家覺得冇上係塞翁失馬，因為嗰時個個都出唔到街，趁呢個時間做吓後期先，冇諗票房呀，呢個唔係我第一樣擔心嘅嘢。」

採訪：盧妹
攝影：林賓尼

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新