金融學院近排搞咗個傑出領袖專訪系列，請名人開班教會員唔同範疇嘅管理技巧及分享下vision，最新近請咗港交所（388）主席查史美倫（查太），就3個範疇佢好多嘢想分享。

首先係危機管理。查太話，喺依家風雲幻變嘅世界，必須喺危機出現前已經要制定好完整嘅手冊，話畀員工聽可以點做，同埋要搵一個人去決定公司是否已經進入咗危機模式。唔知道港交所入面查太係咪就係「撳制」嗰個呢？

另一樣就係領導能力，佢就話香港好多基層員工就算唔同意上司講法，但亦唔夠膽speak up，所以leader作出決定前，要鼓勵同聆聽其他人嘅諗法。其實查太作為行會成員，開會嘅時候對住林鄭月娥嘅歪曲政策，又有冇speak up呢？

到最後查太就話香港銀行業好多女性係要員，不存在glass ceiling，但董事局女性比例就低，香港要迎頭而上。聽查太語氣，華華可以肯定下一位港交所行政總裁，一定係女性啦，除非唔係。

李華華